只因當時太緊張？

請睇下依個表：

最近我因一些事情而讓精神處於一個好緊張的狀態。然後，我又黎啦：又去搵d理論去開解自己。響一本叫《Finding Flow》既書入面提到我地遇到困難時既心態有8種，分別由挑戰的強度和個人能力的強度建起縱軸和橫軸。總之你睇下個果表就會明。

雖然我諗這個理論有好大漏洞：人面對不可確定性的時候總會有worry和anxiety。例如強如世界第1既巴西隊，對住世界排名105既北韓隊既時候，如果按依個理論，應該係處於「control」，情況受到控制既狀態。不過班球員應該有不少worry的，因為輸左個後果：可能無晒d獎金、球迷超失望、聲望大跌……所以人有失少不可預知的情況出現，就一定有worry和anxiety，只不過係程度的問題。而佢依一個理論無加入到個後果的重要性對於情緒既影響。

不過，佢都啟發到我一樣野：anxiety同worry係可以於某程度上用skill improvement去克服既。的確係好老生常談。不過好多野就係唔談就唔會諗起。我現正面對的challenge應該係中度的，而現在我對自己既skill不具很強的信心，加上我害怕失敗後的後果，所以處於worry和anxiety的狀態。

好囉，如果係咁，我唯一可以做既係預備得好d，盡量將個指標推去Control果邊。而預備同skill其實都係包埋心理準備。而現在需要既心理準備，就係放鬆d，將精神調去最佳狀態，其他不可控制的factors，就由他吧，就咁。

有左依一個理解後，就算失敗左。我都唔會再賴只因當時太緊張。

而書入面話人生最有趣的狀態就是flow。高技術+高挑戰，我同意既，不過所謂既高挑戰，又未必係人人就會見到既社會成就。