好鬼窮

唔想出街食野。能煮的話都盡量煮每一餐。

兩對鞋都著到個底穿窿先至買新的。$300買了兩對鞋。

用$20成本煮三餐（蛋、飯、菜、甘筍、蘋果、枝竹……）。

有日病左，但諗起要$150先可以拿醫生紙請假，所以都無請sick leave。

去咖啡館寫野睇書改為去公共兒童圖書館。

唔想去剪頭髮，要俾$140

要cut左份保險（其實份保險一開始買已經唔適合我，但幾年來都費事理，最近理先知浪費左咁多錢）

要去做兼職先儲到少少錢。其實要我慳錢唔係一個大問題，節儉是一種美德，是環保的事，但係儲唔到錢同埋同工不同酬先至係大問題。儲唔到錢就永無法投資滾大舊錢去做想做既事，也無辦法去進修，日日見住自己同人地做同一樣的工作但人工就少一倍真係好唔好受。所以，真係要的起心肝，搵一份人工同學歷相稱既工作。明明係可以掙多一倍人工既，點解唔去爭取？教書教到睇醫生都無錢睇，真係好似d血狗肥皂劇既內容，頂！